1º de ESO en Naturnova

Naturnova é un Centro interactivo de educación ambiental aberto ao público dende o 5 de xullo de 2003. Trata de presentar de forma clara e resumida o noso medio ambiente, un mundo repleto de curiosidades, a todas aquelas persoas interesadas en darlle a man a algo tan atractivo como é a Natureza.
O seu principal obxectivo é estimular o coñecemento do mundo que nos rodea e a difusión da súa importancia, co fin de que aprendamos a valoralo, respectalo e querelo. Ninguén quere aquilo que descoñece.